Для выставы «Таямніцы цела» зрабілі новы рэкламны ролік (Відэа)

Міністэрства гандлю ўзгадніла новы ТБ-ролік выставы «Таямніцы цела: Сусвет унутры», які ўжо з'явіўся на тэлеканалах.

Папярэдняя версія тэлевізійнай рэкламы мерапрыемства была прызнаная кантралюючым органам неэтычнай і ў сувязі з гэтым знятая з эфіру, паведамілі charter97.org арганізатары выставы.

«Пасля атрымання прадпiсання аб прызнанні неэтычным ТБ-роліка выставы «Таямніцы цела» намі былі праведзены кансультацыі з прадстаўнікамі Міністэрства гандлю, у рамках якіх былі ўдакладненыя праблемныя моманты папярэдняй версіі рэкламы. На падставе гэтай інфармацыі былі ўнесены змены ў відэарад, і новы ролік быў зацверджаны прадстаўнікамі міністэрства. Такім чынам праблемная сітуацыя была паспяхова развязаная і новае відэа ўжо размяшчаецца на ТБ. Мы дзякуем супрацоўнікаў Мінгандлю за аператыўнае і якаснае ўзаемадзеянне. Звяртаем увагу, што ўзнікшыя пытанні тычыліся выключна тэлевізійнага роліка. Выстава працягвае сваю працу ў нармальным штодзённым рэжыме», - гаворыцца ў заяве арганізатара выставы ў Беларусі, ТАА «Арт-Інтэр Менеджмент».

Выстава «Таямніцы цела» прыехала да нас з Лос-Анджэлеса і носіць адукацыйны характар, дазваляючы пазнаёміцца з будовай чалавека. У яе ўваходзіць парадку 15 поўных целаў, а таксама каля 200 прэпаратаў розных суставаў і органаў чалавека, апрацаваных метадам палімернай імпрэгнацыі. Дзякуючы гэтаму экспанаты маюць эстэтычны выгляд і пазбаўленыя паху. Паказ працягнецца да 11 студзеня 2015 года.