Кампусы Microsoft цяпер будуць ахоўваць робаты

Асноўная задача робатаў - выявіць парушальнікаў.

Ахову аднаго з кампусаў Microsoft у Крамянёвай даліне цяпер робяць робаты, паведамляе Mashable. Усяго іх чатыры. Кожны з іх мае вышыню паўтара метра і вагу 136 кілаграмаў, паведамляе «Інтэрфакс».

Стварэннем гэтых робатаў, вядомых пад імем K5, з 2013 года займаецца стартап Knightscope. Ужо выпушчана сем асобнікаў, і да канца года кампанія плануе прадставіць яшчэ чатыры штукі. Асноўная задача робатаў - выявіць парушальнікаў (напрыклад, пры спробе прайсці на тэрыторыю ноччу або перасекчы забароненую зону), пасля чаго адправіць апавяшчэнне ў аддалены цэнтр бяспекі.

Прыцягненне робатаў да аховы прадпрыемстваў дасць магчымасць не толькі павысіць якасць патрулявання, але і знізіць рызыку для супрацоўнікаў службы аховы. Пры такім падыходзе можна аддалена ацаніць сітуацыю і выклікаць падмацаванне. K5 выкарыстоўвае камеры, датчыкі, навігацыйнае абсталяванне і электраматоры. Усё гэта запакаванае ў масіўны корпус з вялікай перазараджальнай батарэяй (забяспечвае 24 гадзіны аўтаномнай работы і зараджаецца ўсяго за 15-20 хвілін) і кампутарам. На кожны з чатырох бакоў устаноўлена па адной HD-камеры і мікрафону. Для сувязі паміж сабой і з людзьмі робаты выкарыстоўваюць Wi-Fi. Самастойна абясшкодзіць парушальнікаў робат не зможа, але затое падыме шум гучнай сірэнай.

Паводле сцвярджэння Knightscope, ужо некалькі дзясяткаў патэнцыйных кліентаў зацікавіліся навінкай. Кампанія пачне серыйную вытворчасць у першай палове 2015 года. У цяперашні час актыўна вядзецца работа ва ўдасканаленні К5, так як у яго пакуль ёсць шэраг недахопаў (напрыклад, пры падзенні робата ён не можа падняцца без старонняй дапамогі).

Фота: Mashable