Аўтары серыяла «Шэрлак» намякнулі, што адбудзецца ў новым сезоне
1- 21.11.2014, 12:58
- 5,536
Чацвёрты сезон «Шэрлака» фанаты чакаюць у 2016 годзе.
Сааўтар серыяла «Шэрлак» Марк Гэтыс намякнуў на тое, што ў чацвёртым сезоне тэлешоў можа адбыцца «трагедыя», паведамляе gazeta.ru са спасылкай на THR.
«Можна чакаць і трагедыю, і прыгоды, такія справы», - сказаў Гэтыс. Ён не стаў дзяліцца падрабязнасцямі, аднак вядома, што серыял адпавядае агульнаму сюжэту твораў Артура Конан Дойля пра геніяльнага шпіка Шэрлака Холмса. «У іх Джон (Ватсан) ажэніцца, а Мэры (ягоная жонка) памірае - значыць, у нейкім сэнсе, верагодна, яна памрэ», - падзяліўся Гэтыс.
Чацвёрты сезон «Шэрлака» з Бэнэдыктам Камбербэтчам і Марцінам Фрыменам выйдзе на тэлеканале «Бі-бі-сі» ў 2016 годзе.