Радаслаў Сікорскі: Украіна мае патрэбу ў новым «Плане Маршала»
3- 21.11.2014, 14:20
- 5,403
Былы міністр замежных спраў Польшчы заклікаў Вашынгтон дапамагчы Украіне і вырваць яе з расейскай сферы ўплыву.
Радаслаў Сікорскі падчас свайго візіту ў ЗША выступіў у Гарвардскім універсітэце з дакладам «Будучыня Украіны, польскія ўрокі», піша Rzeczpospolita (пераклад - charter97.org).
Былы міністр падкрэсліў, што крыніцай праблем усходняй суседкі Польшчы з'яўляецца палітыка Расеі. На думку Сікорскага, Захад павінен паслядоўна дапамагаюць Украіне і працягваць фінансавую падтрымку. Ён заклікаў таксама перадаваць know-how, забяспечыць экспэртныя кансультацыі і праводзіць сумесныя сустрэчы, каб дзяліцца досведам.
- Метадычны спосаб выхаду з гэтага крызісу абапіраецца на вяртанне да правіл, якія Джордж Маршал сфармуляваў менавіта тут, у Гарвардзе, у 1947 годзе. - Сказаў Радаслаў Сікорскі. - Супрацоўніцтва. Вяртанне Расеі да сістэмы правілаў.
На думку польскага палітыка, калі Захад не спыніць Расею і не дапаможа Украіне, Еўропа зноў будзе падзеленая.
- Калі мы здзейснім памылку, наша стратэгічныя імкненні стварыць аб'яднаную і свабодную Еўропу, пабудаваныя сумесна з Захадам на працягу дзесяцігоддзяў, аслабнуць.
Сікорскі нагадаў таксама, што ў гэтым годзе ўкраінцы прагаласавалі за плюралізм, сумленную дзяржаўную палітыку, супрацоўніцтва з суседзямі і асацыяцыю з Еўрапейскім Звязам.