Ва Вроцлаве праходзіць фестываль незалежнай беларускай культуры
1- 22.11.2014, 14:23
- 5,553
Культурны форум адкрыўся 20 лістапада выставай карцін беларускага мастака і музыкі Андруся Такінданга.
22 лістапада ў фестывальным бюро Impart-2016 у польскім горадзе Вроцлаў у рамках фестывалю незалежнай беларускай культуры адбудзецца вечар сучаснай беларускай паэзіі. У ім возьмуць удзел пісьменнік і філосаф Уладзімір Арлоў, паэт і перакладчык Андрэй Хадановіч, літаратар Таццяна Нядбай, перакладчык Лявон Баршчэўскі, піша БелаПАН.
Пасля паэтычнага вечара ў фестывальным бюро Impart-2016 пройдзе спектакль «Чарнобыль» у выкананні актораў дакументальнага тэатра «Крылы Халопа».
У гэтым годзе на фестывалі незалежнай беларускай культуры, які праходзіць 20-23 лістапада ў Вроцлаве, прадстаўленыя карціны вядомых мастакоў, праходзяць дэбаты і палітычныя дыскусіі пра лёс беларускага народа.
Культурны форум адкрыўся 20 лістапада выставай карцін беларускага мастака і музыкі Андруся Такінданга. На выставе прысутнічаў і сам аўтар.
Фестываль незалежнай беларускай культуры завершыцца 23 лістапада ў клубе Stary Klasztor фальклорнай вечарынай з удзелам гурту «Рэха».