У Менску ўпершыню выступіць амерыканская спявачка Анастэйша

Амерыканская поп-спявачка Анастэйша выступіць у менскім Prime Hall 13 лютага 2015 г.

Квіткі на канцэрт паступяць у продаж 27 лістапада, піша ultra-music.com.

Выступ у Менску адбудзецца ў рамках тура «Resurrection» у падтрымку новага аднайменнага альбома, рэліз якога адбыўся ў траўні 2013 года. Усяго ў дыскаграфіі Анастэйшы значацца шэсць альбомаў. Найбольш паспяховымі з іх сталі першыя тры - «Not That Kind» (2000), «Freak of Nature» (2001) і «Anastacia» (2004), - шматкроць якія атрымлівалі плацінавы статус у Вялікай Брытаніі, Нямеччыне, Аўстраліі і Францыі.

Нягледзячы на адсутнасць вялікага амерыканскага поспеху, Анастэйша з'яўляецца адной з самых камерцыйна паспяховых поп-выканаўцаў 2000-х гадоў. Агульны тыраж яе прададзеных альбомаў перавышае 30 мільёнаў копій. Акрамя таго, выканаўца з'яўляецца ўладальніцай вялікай колькасці музычных і гуманітарных узнагарод.

Сусветны тур «Resurrection» пачаўся 19 кастрычніка канцэртам у Брусэлі і завершыцца 10 траўня ў аўстралійскім Перце. У сэт-ліст канцэртаў у рамках тура ўваходзяць не толькі новыя кампазіцыі, але і хіты - «I'm Outta Love», «Left Outside Alone», «Sick and Tired», «One Day in Your Life».