Coca-Cola створыць свой брэнд малака
6- 25.11.2014, 12:08
- 6,521
Міжнародная кампанія Coca-Cola створыць свой уласны брэнд малака пад назвай Fairlife.
Пра гэта паведамляе ў аўторак, 25 лістапада, газета The Telegraph.
Fairlife будзе каштаваць у два разы больш, чым звычайнае малако. У кампаніі адзначаюць, што іх прадукт змяшчае на 50% больш пратэіна і на 30% больш цукру, чым звычайнае малако на паліцах крамы. Акрамя таго, новае малако не будзе ўтрымліваць лактозу, паведамляе «Дождь».
«Мы збіраемся інвеставаць у малочны бізнэс, каб пабудаваць брэнд. Вядома, нам не будуць адразу сыпацца грошы з нябёсаў на працягу некалькіх бліжэйшых гадоў. Але калі вы робіце сваю працу добра, то грошы будуць у вас пазней», - распавёў старэйшы віцэ-прэзідэнт кампаніі Сэндзі Дуглас.
Выданне піша, што Coca-Cola выходзіць на рынак малака ў вельмі складаны для гэтага бізнэсу час. Продажы традыцыйнага малака скарачаюцца праз рост продажаў араматызаванага тавару з высокім утрыманнем пратэіну.