Фізікі разабраліся, чаму піва ўстойлівае да пралівання

Навукоўцы з Прынстанскага ўніверсітэта разабраліся, чаму каву часцей разліваюць, чым піва.

Вынікі сваіх даследаванняў аўтары апублікавалі ў Bulletin of the American Physical Society, а коратка з імі можна азнаёміцца на сайце USA Today.

Спецыялісты адзначаюць, што нават самыя асцярожныя афіцыянты, прыносячы каву, праяўляюць вялікую акуратнасць, каб не разліць напой. Пры найменшай няўстойлівасці ў руху ў каве ўзнікаюць невялікія хвалі, якія могуць прывесці да вылівання напою нават з паўпустога кубку.

Піва, з другога боку, разліць значна складаней. Даследчыкі гэта звязалі з наяўнасцю ў алкагольнага напою пены. Каб пераканацца ў сваёй гіпотэзе, спецыялісты выкарыстоўвалі высакахуткасную здымку куфля піва з пенай і без яе, піша korrespondent.net.

Іх назіранні паказваюць, што пена сапраўды затарможвае рух вадкасці і яе выліванне. Да іх здзіўлення, нават невялікай колькасці пены дастаткова для дэмпфавання (гашэння) ваганняў. Навукоўцы звязваюць гэта з дысіпацыяй (рассейваннем) энэргіі ваганняў у вязкім асяроддзі пры трэнні аб сценку куфля.

Каб прадэманстраваць свае назіранні, спецыялісты змантавалі відэа, на якім паказаны асноўныя моманты іх досведу. Гэты кліп навукоўцы прадставілі на 67-м штогадовым сходзе Амерыканскага фізічнага таварыства ў секцыі гідрадынамікі, які праходзіў у лістападзе 2014 года ў Сан-Францыска. На думку даследчыкаў, іх праца здольная дапамагчы павышэнню эфектыўнасці транспарціроўкі розных вадкасцяў.