У «Менсктрансе» распавялі, калі падаражэе праезд

Праезд у грамадскім транспарце Менска падаражэе да Br4,5 тыс. Да канца першай дэкады снежня.

Пра гэта паведаміла карэспандэнту БелТА намесніца генеральнага дырэктара эканомікі дзяржаўнага прадпрыемства «Мінсктранс» Ірына Якубоўская.

Да канца першай дэкады снежня праезд у грамадскім транспарце падаражэе на Br500 і складзе Br4,5 тыс. Талон у кіроўцы будзе каштаваць Br5 тыс, праезд у аўтобусах экспрэс-маршрутаў - Br6 тыс.

Таксама ў снежні ў Менску будуць уведзеныя ў дзеянне новыя віды праязных. На адной бескантактавай карце можна будзе запраграмаваць часавыя праязныя квіткі на аўтобусы рэгулярных экспрэсных маршрутаў (на месяц, паўмесяца, дэкаду), сумешчаныя з іншымі відамі грамадскага транспарту. Пасажырам таксама стануць даступныя бескантактавыя смарт-карты з вызначанай колькасцю паездак на экспрэсы.

Папярэдняе павышэнне коштаў на праезд у сталіцы было 9 жніўня 2014 г. Тады праезд падаражэў з Br3,7 тыс да Br4 тыс за адну паездку.