Краіны АПЕК адмовіліся зніжаць здабычу нафты

Арганізацыя краін-экспарцёраў нафты не будзе зніжаць квоты на здабычу нафты.

Пра гэта паведаміла агенцтва Reuters са спасылкай на трох дэлегатаў гэтай сустрэчы. Яшчэ напярэдадні эксперты разважалі пра тое, якім будзе памер скарачэнняў, закліканых падтрымаць кошты «чорнае золата» на прымальным для экспарцёраў узроўні. Аднак да вечара серады рынак палічыў, што урезания квотx не будзе, і кошт нафты прадаўжае плаўнае зніжэнне. З лета гэтага года барэль патаннеў ўжо на 30%, піша NEWSru.com.

Напярэдадні сустрэчы міністр нафты Саудаўскай Аравіі Алі аль-Наімі заявіў журналістам: «Рада супрацоўніцтва краін Персідскага заліва дасягнула кансенсусу... Сіла пераканання заўтра возьме верх, я ўпэўнены, што АПЕК у стане выказаць агульную пазіцыю». У Радзе супрацоўніцтва ўваходзяць чатыры галоўныя арабскія вытворцы нафты: Саудаўская Аравія, Катар, Кувейт і Аб'яднаныя Арабскія Эміраты.

Міністр не сказаў, якую пастанову ўзгаднілі дэлегаты, але крыніца Reuters паведаміла, што квоты вырашылі не скарачаць. А тры дэлегаты сустрэчы АПЕК, у якую ўваходзяць 12 краін, паведамілі, што чакаюць захавання аб'ёмаў здабычы з улікам таго, што Расея адмовілася зрэзаць экспарт і дзейнічаць ва ўнісон з картэлям. Раней аль-Наімі заяўляў, што чакае ад рынку нафты «самастойнай стабілізацыі», якая адбудзецца «праз некаторы час».

АПЕК цяпер кантралюе блізу траціны сусветнага экспарту, і паніжэнне квот азначала б і зніжэнне долі рынку. У той жа час захаванне здабычы на ранейшым узроўні азначае коштавую вайну. У выпадку далейшага падзення коштаў краіны Персідскага заліва, якія валодаюць значнымі грашовымі рэзервамі, змогуць гэта кампенсаваць, але іншым членам АПЕК - напрыклад, Ірану і Венесуэле - прыйдзецца складана, адзначае Reuters. Таксама эксперты звярталі ўвагу на тое, што калі рэзкае скарачэнне здабычы дасць эфект і кошты вырастуць, то гэта згуляе на руку канкурэнтам АПЕК, у прыватнасці дадасць рэнтабельнасці праектам здабычы сланцавай нафты ў ЗША.

Напярэдадні міністр фінансаў Расеі Антон Сілуан прагназаваў, што нізкія кошты нафты пратрымаюцца доўга, рубель зноў значна патаннеў у дачыненні да даляра і еўра, а прэса спрагназавала, чым пагражае рублю празмернасць нафты.

Паводле вынікаў таргоў у сераду ф'ючэрсы на нафту маркі Brent патаннелі на 58 цэнтаў да 77,75 даляра за барэль. Амерыканская нафта WTI стала таннейшай на 40 цэнтаў і каштуе 73,69 даляра.

У карысць захавання існуючых абмежаванняў замест скарачэння нафтаздабычы выказаліся ўдзельнікі сустрэчы дарадцаў АПЕК, якая адбылася на папярэдняй тыдні. Са слоў некаторых яе ўдзельнікаў, усярэдзіне картэлі існуе перакананне, што пры стабілізацыі коштаў на нафту на ўзроўні 80 даляраў за барэль няма неабходнасці прымаць больш рашучыя захады.

Афіцыйная квота на здабычу ў АПЕК складае 30 млн барэляў у дзень, але краіны картэлі яе перавышаюць - паводле экспертных ацэнак, на 0,97 млн барэляў у дзень (у сярэднім за пяць апошніх месяцаў).