Том Хэнкс запаліць агні на галоўнай елцы ЗША
2- 27.11.2014, 14:38
- 6,151
Лаўрэат прэміі «Оскар» Том Хэнкс і яго жонка Рыта Уілсан запаляць агні на галоўнай елцы ЗША.
Аб гэтым піша The Hollywood Reporter.
Урачыстая цырымонія пройдзе 4 снежня ў Вашынгтоне. Мерапрыемства адбудзецца ўжо ў 92-і раз.
Перад гледачамі таксама выступяць Ні-Ё, Стыў Мілер, Шэлі Райт, група Fifth Harmony, Паці Лабель, дуэт Nico & Vinz і The Tenors, піша «Газета.Ru».
Традыцыя запальвання агнёў на галоўнай елцы краіны пачалася ў 1923 годзе з ініцыятывы прэзідэнта ЗША Калвіна Куліджа, нагадвае часопіс. Арганізацыяй цырымоніі займаецца Нацыянальная паркавая служба.
Раней паведамлялася, што ў Францыі перад саборам Парыжскай Божай Маці ўсталяваная елка, якая падараваная краіне ўрадам Масквы.
Фота: AP