На радзіме ў Туле Ахлабысціну ўручылі бутлю з крывёю

Грамадзянскі актывіст і журналіст Валер Адстаўных зладзіў антывайсковую акцыю ў Туле: ён уручыў актору Івану Ахлабысціну бутлю, напоўненую крывёю.

Са слоў актывіста, у пасудзіне была кроў грамадзян Расеі і Украіны. Акцыя была праведзеная, каб пасарамаціць актора, які, са слоў актывіста, «пастаянна прагне крыві - і ўкраінскай, і расейскай», паколькі Ахлабысцін, згодна з заўвагай Адстаўнога, «прапануе пачаць кровапралітную вайну» Расеі і Украіны, паведамляе NEWSru.com.

Акцыя была праведзеная ў Гарадской канцэртнай зале (ГКЗ) Тулы, дзе 28 лістапада ўвечары праходзіў інтэрактыўны монаспектакль «Духоўныя гутаркі», які складаўся са стасункаў з гледачамі. Апошнія перадавалі актору цыдулкі з пытаннямі. Адстаўных, са слоў актывістаў, адправіў запіску, задаўшы пытанне, ці можна падарыць емляку падарунак (Адстаўных - ураджэнец Тульскай вобласці, як і сам Ахлабысцін).

Як відаць на відэазапісе, які размясцілі на YouTube актывісты, на сцэну падняўся Адстаўных і ўручыў Ахлабысціну посуд, а ашаломлены актор заявіў, што пакіне падарунак сабе. Пазней ён напісаў у Twitter: «Эх Валерый, эх Адстаўных! У тваіх венах цячэ журавінавы сок. Кісляціна, як усё тваё жыццё», - намякнуўшы, што паспрабаваў змесціва бутэлечкі.

Раней у мікраблогу актор заклікаў «узяць Марыупаль, Адэсу і Харкаў», а таксама заяўляў, што такой краіны, як Украіна, «не было і не будзе», і «не павінна існаваць у прынцыпе».

Адзначым, што гэта ўжо не першая падобная акцыя. Раней у Маскве актывістка Кацярына Мальдон уручыла актору Міхаілу Парэчанкаву, які пастраляў з кулямёта падчас замірэння на Данбасе, медаль «За Лугандон» прама на прэм'еры спектакля «Трамвай «Жаданне» ў МХТ імя Чэхава.