Ларс фон Трыер: Не ведаю, як здымаць кіно без алкаголю
9- 29.11.2014, 14:02
- 9,273
Рэжысёр Ларс фон Трыер заявіў, што змагаецца з алкагольнай і наркатычнай залежнасцю.
Пра гэта ён сказаў у інтэрв'ю выданню Politiken.
Рэжысёр распавёў, што ўжыванне алкаголю дапамагала яму ў творчасці. Ён таксама мяркуе, што збавенне ад залежнасці адаб'ецца на яго працах і зробіць іх «жудаснымі», паведамляе Gazeta.ru.
Так ён удакладніў, што, будучы цвярозым, ён выдаткаваў на працу над сцэнарам фільма «Німфаманка» 18 месяцаў. У той час як сцэнар фільма «Догвіль» ён напісаў за 12 дзён.
«Я не ведаю, ці змагу здымаць новыя фільмы, і мяне гэта турбуе. Не магу ўспомніць якіх-небудзь мастацкіх дасягненняў сярод былых алкаголікаў і наркаманаў», - заявіў Трыер.