Памочнік сенатара РФ напаў на Іллю Яшына праз крытыку Пуціна
4- 29.11.2014, 15:19
- 21,020
Бойка паміж апазіцыянерам Іллёй Яшыным і памочнікам чальца Савета Федэрацыі РФ Дзмітрыем Сакаловым адбылася ў Яраслаўлі.
Пра гэта паведамляе «Інтэрфакс» са спасылкай на прадстаўніка рэгіянальнай управы МУС.
Сам Сакалоў патлумачыў агенцтву, што прычынай канфлікту сталі адрозненні ў палітычных поглядах. «Ён дрэнна пра нашага прэзідэнта кажа», - растлумачыў Сакалоў.
«Дзень пачаўся са званка з Генеральнай пракуратуры (не жартую) для «ўдакладнення дэталяў інцыдэнту ў бары». Ну так: сутычка ў бары і Генпракуратура», - напісаў Ілля Яшын у сваім акаўнце ў сетцы мікраблогаў «Твітэр».
День начался со звонка из Генеральной прокуратуры (не шучу) для "уточнения деталей инцидента в баре". Ну да: стычка в баре и Генпрокуратура.
— Илья Яшин (@IlyaYashin) 29 ноября 2014Інцыдэнт адбыўся каля паўночы ля адной з кавярняў у цэнтры горада.
Помятый Яшиным @IlyaYashin нашист уже не рад, что полез к нему с кулаками)) pic.twitter.com/HMKXFM0cmL
— Дмитрий Семенов (@Shprot89) 29 ноября 2014«У паліцыю паступіў зварот паводле факту канфлікту, праз які цяпер праводзіцца праверка. Заяў ад удзельнікаў канфліктнай сітуацыі не паступала», - сказала намесніца начальніка аддзела інфармацыі і грамадскіх сувязяў УМВД РФ Марына Какуева.
Нікога з удзельнікаў бойкі не затрымалі.
Ілля Яшын - адзін з вядомых расейскіх апазіцыянераў. З 2006 да 2008 год быў чальцом федэральнага бюро партыі «Яблык». Быў адным з стваральнікаў руху «Абарона» і лідарам «Моладзевага Яблыка». Таксама вядомы шэрагам эпатажных палітычных акцый, напрыклад, акцыяй «Вярніце народу выбары, гады!» 2006 года. Браў удзел у акцыях беларускай апазіцыі.
