Колькасць вучэнняў войскаў РФ у Прыднястроўе вырасла ўдвая

У параўнанні з папярэднім годам колькасць практычных заняткаў у тактычнай, агнявой і спецыяльнай падрыхтоўцы павялічылася больш чым у 2 разы.

Пра гэта гаворыцца ў паведамленні прэс-службы Мінабароны РФ.

Усяго за год вайскоўцы Аператыўнай групы расейскіх войскаў у Прыднястроўі прынялі ўдзел у больш чым 800 мерапрыемствах у розных відах баявой падрыхтоўкі. З іх каля 350 склалі стрэльбы са стралковай зброі і штатнага ўзбраення баявых машын і звыш 300 - практычныя заняткі з кіроўцамі аўтамабільнай і бранятанкавай тэхнікі. Больш за 100 навучальных мерапрыемстваў прайшло ў спецыяльнай падрыхтоўцы падраздзяленняў мотастралковага батальёна, якія ўваходзяць у склад Сумесных міратворчых сіл.

Акрамя таго, асабісты склад АГРВ прыняў удзел у больш чым 20 буйных ротна-тактычных і тактыка-спецыяльных вучэннях і ў 70 вучэннях у супрацьдзеянні тэрарызму.

Асаблівасцю падрыхтоўкі асабовага складу падраздзяленняў у гэтым годзе стала ўвядзенне дадатковага курсу інтэнсіўнага вывучэння малдаўскай мовы.

Таксама ў АГРВ у Прыднястроўе была абноўленая матэрыяльна-тэхнічная база. У канцы лістапада ўведзены ў эксплуатацыю новы танкадром плошчай больш за 10 кв. км.