Дзмітрый Жырмонт перамог на тэнісным турніры ў Эстоніі

Беларус Дзмітрый Жырмонт здабыў перамогу у Тарту (Эстонія) ў міжнародным мужчынскім тэнісным турніры I Paf Open.

Пра гэта паведамілі карэспандэнту агенцтва «Менск-Навіны» ў прэс-службе Беларускай тэніснай федэрацыі. У фінальным матчы Дзмітрый Жырмонт (325-ы ў рэйтынгу ATP) падолеў расейца Андрэя Рублёва (491-ы ў рэйтынгу ATP). Гэтая перамога стала чацвёртай у сезоне і сёмай у кар'еры для беларуса.