У парках Менска не будуць прыбіраць апалае лісце
59- 3.11.2014, 14:16
- 43,018
У парках і скверах Менска больш не будуць прыбіраць апалае лісце.
Пра гэта паведаміў старшыня камітэта прыродных рэсурсаў і аховы навакольнага асяроддзя Менгарвыканкама Аляксандр Баравікоў, паведамляе БелТА.
«Прыбіраючы апалае лісце ў парках і скверах, чалавек парушае натуральны кругазварот рэчываў у прыродзе. Апалае лісце ўтварае перагной, які ўгнойвае глебу, а мы ўборкай фактычна збядняем зямлю. Ад гэтага пачынаюць пакутаваць дрэвы», - сказаў Аляксандр Баравікоў.
Паводле новай пастановы, лісце будуць гарнуць толькі ў пяці метрах ад праезнай часткі, каб яно не перашкаджала руху аўтамабіляў, а таксама не забівала студні ліўневай каналізацыі. Са слоў Аляксандра Баравікова, забарона на збор апалай лістоты дапаможа не толькі захаваць экалагічны баланс, але і зэканоміць бюджэтныя грошы.