Швейцарцы прагаласавалі супраць абмежавання іміграцыі

Сёння ў Швейцарыі праходзіць рэферэндум датычны пытання іміграцыі.

Паводле папярэдніх звестак, 74% удзельнікаў галасавання выказаліся супраць абмежавання іміграцыі, паведамляе BBC.

Калі б швейцарцы прагаласавалі «за», ураду давялося б знізіць іміграцыю ў краіну з 80 тыс да 16 тыс чалавек у год, што склала б 0,2% ад колькасці насельніцтва.

Ініцыятары рэферэндуму сцвярджаюць, што гэтая мера дазволіць знізіць пагрозу навакольнаму асяроддзю. Праціўнікі, наадварот, мяркуюць, што падтрымка гэтай ініцыятывы негатыўна адаб'ецца на эканамічнай сітуацыі ў краіне.

У лютым у Швейцарыі ўжо прайшоў рэферэндум, вярнуўшы квоты на іміграцыю. Такім чынам, краіна фактычна выйшла з пагаднення ЕЗ аб свабодным перамяшчэнні рабочай сілы.

Ураду яшчэ спатрэбіцца рэалізаваць вынікі лютаўскага рэферэндуму, што сур'ёзна пагоршылі стасункі з Еўрапейскім звязам.