Курс даляра ўпершыню перасягнуў 45 расейскіх рублёў

За кастрычнік 2014 года падчас валютных інтэрвенцый было выдаткавана $29,26 млрд.

Падчас вячэрняга гандлю на Маскоўскай біржы кошт даляра падымаўся да 45,0195 руб./дал., што больш чым на 1,4 руб. вышэй за ўзровень закрыцця папярэдніх таргоў. Падчас ранішніх таргоў на Маскоўскай біржы курс даляра ўздымаўся да 44,98 руб., паведамляе РБК.

Курс еўра раніцай устанавіў новы рэкорд, падняўшыся да адзнакі 56,3675 руб. і з тых часоў сёння так высока больш не ўздымаўся. Паводле звестак на 18:20 кошт даляра на Маскоўскай біржы складаў44,9115 руб., кошт еўра - 56,0155 руб., кошт бівалютнага кошыка - 49,8961 руб.

Афіцыйны курс даляра з 6 Лістапада 2014 устаноўлены ЦБ на ўзроўні 44,3993 руб./дал, афіцыйны курс еўра - на ўзроўні 55,6234 руб./еўра.

Раней сёння Банк Расеі абвясціў аб адмове ад правядзення неабмежаваных валютных інтэрвенцый, якія падтрымліваюць курс рубля. Пачынаючы з 5 лістапада 2014 года, ЦБ не мае намеру марнаваць на гэтыя мэты больш за $ 350 млн у дзень.

Паводле афіцыйна апублікаваных ЦБ звестак, за кастрычнік 2014 года падчас валютных інтэрвенцый было выдаткавана $ 29,26 млрд., але гэтыя звесткі пакуль не ўключаюць звесткі аб сумах, выдаткаваных падчас таргоў 31 кастрычніка.

«Рэгулятар робіць крокі ў правільным кірунку. Рубель у бліжэйшыя дні, верагодна, прадоўжыць слабець, але дасягне «дна» значна хутчэй, чым пры папярэдняй схеме. Паводле нашых ацэнак, на працягу шасці месяцаў даляр будзе знаходзіцца на адзнацы 45 руб. Прагназаваць рух валюты ў цяперашніх умовах практычна немагчыма, аднак наш бягучы прагноз нам здаецца цалкам абгрунтаваным», - адзначыў галоўны эканаміст рынкаў, якія развіваюцца, Capital Economics Ніл Шэрынг.

Паводле слоў намесніка начальніка аналітычнага ўпраўлення банка «Зеніт» Уладзіміра Еўсціфеева, ціск на рубель правакуюць ранейшыя фактары, галоўным з якіх з'яўляецца адсутнасць доступу найбуйнейшых расейскіх пазычальнікаў на заходнія рынкі капіталу, якія правакуюць унутраны попыт на валюту ў святле неабходных у бліжэйшыя месяцы пагашэння знешніх пазык.

«Верагоднасць далейшага паслаблення выглядае высокай, асабліва з улікам негатыўных настрояў на знешніх пляцоўках і чарговага вітка зніжэння нафтавых каціровак», - адзначае Еўсціфееў.