У цэнтры Берасця паставілі жудасны помнік

Берасцейскі дэпартамент аховы ўвекавечыў сябе ў вобразе савы і бульдога.

Паводле задумкі аўтараў ідэі скульптурнай кампазіцыі, якая з'явілася ў цэнтры Берасця, яна сімвалізуе пільнасць, зоркасць і надзейнасць ахоўнай структуры. А ўказальнік «Паліцэйская» на будцы, побач з якой размясціліся прадстаўнікі фауны, нагадвае аб ранейшай назве вуліцы Савецкая, дзе размешчана новая гарадская славутасць.

Як паведамляе «Рэальны Брэст», на ўрачыстай цырымоніі адкрыцця незвычайнай скульптурнай кампазіцыі начальнік абласнога ўпраўлення Дэпартамента аховы МУС Рэспублікі Беларусь Алег Самасюк выказаў надзею, што госці горада і маладыя пары, якія будуць гуляць па вуліцы Савецкай, «міжволі задумаюцца аб нашай арганізацыі, аб людзях, якія ў ёй працуюць, гледзячы на гэты цуд».

А старшыня Берасцейскага гарвыканкама Аляксандр Рагачук адзначыў, што вуліцу Савецкую, адну з «візітных картак» абласнога цэнтра, будуць упрыгожваць і далей. У прыватнасці, атрыманы наказ абсталяваць месца для выступаў музыкаў і падвесці да гэтай пляцоўцы электрычнасць. Усе жадаючыя, якія маюць творчыя таленты або якія заяўляюць пра гэта, атрымаюць магчымасць праспяваць або прачытаць вершы. Берасцейская мэрыя чакае прапаноў у рэалізацыі гэтай ідэі.