Расейцы зацкавалі народную місіс Пецярбурга праз яе словы пра Пуціна

Рэгіянальны конкурс прыгажосці ў Санкт-Пецярбургу павярнуўся вялікім скандалам з удзелам не толькі жыхароў гэтага горада.

У інтэрнэце звярнулі ўвагу, што адной з канкурсантак стала буратка Вікторыя Маладаева, якая ўжо дзевяць гадоў жыве ў Паўночнай сталіцы. Дзяўчыну абвінавацілі ў русафобіі - падставай сталі яе запісы ў сацыяльных сетках пра прэзідэнта Уладзіміры Пуціна. Заадно «прайшліся» і па яе нацыянальнасці, паведамляе NEWSru.com.

Конкурс на званне місіс Санкт-Пецярбург праходзіў у некалькі этапаў - пасля кастынгу былі вызначаны місіс IQ і місіс спорт, затым прайшло інтэрнэт-галасаванне і вочны фінал. Галоўную карону конкурсу, спецыяльна вырабленую ў ЗША, атрымала мама дваіх дзяцей 24-гадовая Ірына Салаўёва. Вікторыя Маладаева па выніках галасавання стала «народнай місіс», а журы надзяліла яе тытулам місіс талерантнасць.

На іранічную заўвагу «Фонтанки», у спаборніцтве замужніх прыгажунь знайшлося месца прэзідэнту РФ Уладзіміру Пуціну, і менавіта гэта прыўнесла нотку скандальнасці. Калі ў лідарках інтэрнэт-галасавання вызначыліся фаварыткі - Вікторыя Маладаева і мама шасцярых дзяцей Кацярына Кірмель, - адзін з удзельнікаў абмеркавання звярнуў увагу на нацыянальнасць адной з канкурсантак і яе палітычныя погляды. На сваёй старонцы ў сацсетцы Маладаева пісала, што Уладзімір Пуцін - гэта «горшае, што магло здарыцца з Расеяй з 50-х гадоў». Таксама яна апублікавала фатаграфію Жэрара Дэпард’е ў вушанцы і з подпісам «Крымнаш». Гэта дало падставу каментатарам абвясціць дзяўчыну «русафобам» і ініцыяваць дыскусію з нагоды неабходнасці зняцця яе з конкурсу.

«Мяркую цалкам недапушчальным прызнанне народнай місіс Санкт-Пецярбург Вікторыі Маладаевай за яе выказванні пра прэзідэнта Расеі У. У. Пуціна, аб далучэнні Крыма і пра рускіх наогул. Вікторыя Маладаева, якая лідуе па рэпостам праз падтрымку і раскрутку яе ў СМІ Бураціі ў галасаванні , пасылае Пуціна «на ...», супраць далучэння Крыма, уважае рускіх за тупых і пры гэтым марыць пра ЗША. Вікторыя Маладаева - не «народная місіс», а ганьба Санкт-Пецярбурга і Расеі», - прыводзіць адзін з абразлівых каментароў сайт Infpol . Гэта меркаванне падтрымалі і іншыя карыстальнікі сацыяльнай сеткі.

У каментары гэтаму выданню дзяўчына запэўнівала, што каментатары «усё перакруцілі і падалі так, быццам я звяртаюся да рускіх і лічу рускіх тупымі за тое, што яны любяць Пуціна».

Дырэкцыя конкурсу адмовілася выдаляць абразлівыя каментары і адклала разбор на потым

«Спачатку дырэкцыя конкурсу сказала, што нічога выдаляць не будзе, сказалі проста не звяртаць увагі. Добра, крытыку можна пакінуць, але абразы тыпу «бурацкая дурніца», «агаліць і галавой ва ўнітаз» можна ж выдаліць. Гэта ўсяго толькі конкурс прыгажосці. Я ў шоку была, калі чытала каментары ад дарослых жанчын тыпу «хай едзе да сябе ў Бурацію», - прызналася прыгажуня.

З яе слоў, шуміху падняў адзін канкрэтны чалавек, які выступаў пад імем Аляксандр Чарнаморац. «Я лідзіравала ў адкрытым галасаванні, гэты чалавек пастанавіў дыскрымінаваць мяне паводле маіх палітычных поглядах, нацыянальнай прыкмеце. Пачаў пісаць мне гадасці, пісаць арганізатарам, іншым удзельніцам і т. д. Я таксама тут дзевяць гадоў жыву, удзельнічаць пастанавіла для сябе, і толькі. Не мела нейкіх прапагандысцкіх мэтаў. Чалавек вырывае з кантэксту мае словы, выдае іх «русафобскімі». Любы чалавек мае права на свой асабісты светапогляд, я пісала заўвагі супраць Пуціна на сваёй старонцы, хоць гэта і было даўно. Мяняць свае думкі праз пару чалавек не збіраюся. І ўсе гэтыя абвінавачванні ў антыпатрыятызме смешныя для мяне», - настойвала Маладаева.

Адзначым, у абмеркаванні ўдзельніц інтэрнэт-галасавання ў сацсетцы «Вконтакте» арганізатары адмовіліся здымаць буратку з конкурсу, паколькі яна цалкам адпавядала патрабаванням міжнароднага рэгламенту правядзення конкурсу прыгажосці «Федэрацыі місіс» і адклалі ўсе разборы да заканчэння конкурсу. У выніку бурацкай прыгажуні атрымалася здабыць перамогу.

«Дзякуй вялікі!!! Загадзя прашу прабачэння, што не адказваю адразу. Вельмі шмат паведамленняў і тэлефаванняў, я абавязкова ўсім адкажу. Вы не ўяўляеце, што для мяне значыць вашая падтрымка, калі кожны другі каментар негатыўны. Пастаўце мяне на сваё месца, калі вы раптоўна становіцеся аб'ектам увагі, вельмі цяжка стрымліваць эмоцыі. Дзякуй за разуменне!!!» - напісала Вікторыя на сваёй старонцы «Вконтакте».

Прычынай скандалу магла стаць «нянавісць, якую прапагандуюць па зомба-скрыням»

Выданне Baikal-Dailyадзначае, што сама Вікторыя Маладаева не разумее падвышанай увагі да сваёй персоны і не ўважае яе сваёй заслугай. Дзяўчына адмовілася ад выкарыстання палітычнай тэмы ў фінале конкурсу, дазволіўшы сабе толькі нацыянальную сукенку. «Я не будуць ніколі хадзіць на мітынгі, я не актывіст. Тое, што адкапалі гэтыя тролі, - проста маё меркаванне. Ведаеце, як людзі на кухні выказваюцца, так і я пра штосьці ў інтэрнэце напісала», - патлумачыла яна.

Дэпутат, старшыня камісіі культуры заканадаўчага сходу Пецярбурга Максім Рэзнік выказаў здагадку, што такое нечаканае развіццё конкурсу прыгажосці атрымалася праз тое, што апошнім часам палітыка пранікла амаль у кожную сферу. «Грамадства схільнае да небяспечнай заразы. Прычына яе - гэта нянавісць, якую штодня прапагандуюць праз зомба-скрыні. Яна ўжо пранікла ў многія галовы», - сказаў ён журналістам. Заканадавец нагадаў, што падобныя сітуацыі - гэта і скасаванне канцэртаў Андрэя Макарэвіча і Дыяны Арбенінай. «Мы прыходзім да той сітуацыі, калі любое выказванне іншых поглядаў публічна - караецца. Нас вяртаюць на кухні», - канстатаваў Рэзнік.

Трэба прызнаць, падобныя скандалы былі і да далучэння Крыма і абвастрэння сітуацыі на Украіне, якія сталі падставай для разгортвання ў СМІ маштабнай прапагандысцкай кампаніі. Так, сітуацыя з Маладаевай стала копіяй гісторыі перамогі на конкурсе «Міс Расея - 2013» Эльміры Абдразакавай, якая была вымушаная выдаліць старонкі ў сацсетках праз паток абраз, у тым ліку па нацыянальнай прыкмеце.