У Гомельскай вобласці ствараюць музей гісторыі хусткі

Музей гісторыі хусткі плануюць стварыць у населеным пункце Грабаўка Гомельскага раёна.

Пра гэта паведамілі БелТА ў аддзеле адукацыі, спорту і турызму Гомельскага райвыканкама.

Ініцыятарам стварэння незвычайнага музея выступіла мясцовая сярэдняя школа. Менавіта тут сіламі педагогаў, вучняў і іх бацькоў ужо сабрана дастойная калекцыя хустак і шалікаў розных колераў, памераў і тэкстуры. Прычым практычна кожны з экспанатаў мае сваю асаблівую гісторыю - адны перадаваліся ў родзе з пакалення ў пакаленне, іншыя авеяны цікавымі легендамі.

Стваральнікі будучага музея плануюць не толькі прадставіць усю прыгажосць і своеасаблівасць гэтага атрыбуту адзення, але і прасачыць яго гісторыю, асаблівае значэнне ў жыцці славянскіх народаў. У гэтай творчай рабоце будуць задзейнічаны школьнікі пад кіраўніцтвам педагогаў. Адкрыццё падобнага музея дазволіць зрабіць больш разнастайным турыстычны патэнцыял населенага пункта, мяркуюць арганізатары.