Спісы дармаедаў пачалі складаць у Віцебскай вобласці

У Віцебскай вобласці пачалі складаць спісы дармаедаў, паведаміў 7 лістапада старшыня Віцебскага аблвыканкама Аляксандр Косінец.

«Мы ўжо практычна пачалі, я не хаваю, складаць гэтыя спісы», - сказаў Аляксандр Косінец. З ягоных слоў, частка грамадзян некалькі гадоў наведваюцца ў цэнтры занятасці, але не згаджаюцца прыняць шматлікія прапановы працы. З імі будзе вельмі сур'ёзная размова, абяцае старшыня, паведамляе Tut.by.

Кіраўнік Віцебскай вобласці падтрымлівае прыняцце спецыяльнага закона аб дармаедстве. Як ён чакае, закон павінен быць «дзейсны, разумны, аб'ектыўны».

У Мінпрацы і сацабароны кажуць пра тое, што ў краіне не працуе каля 445 тысяч працаздольнага насельніцтва. Пачынаючы з студзені 2014 беспрацоўнымі і грамадзянамі, якія не вучацца, учынена 62,5% злачынстваў.

Косінец вылучае некалькі катэгорый так званых дармаедаў: грамадзяне, непрацуючыя праз алкагольную залежнасць, канфліктныя ў працоўным калектыве людзі, грамадзяне, якія маюць нелегальны прыбытак, і людзі, якія паразітуюць на сваіх сем’ях. Наконт апошняй катэгорыі Косінец выказаўся жорстка: «Першы раз - папярэдзілі, другі - адміністрацыйнае спагнанне, ну а далей трэба прымаць закон аб дармаедстве, як у Савецкім Саюзе... могуць быць і больш жорсткія прымусовыя меры».

У той жа час МУС прапануе саджаць на суткі так званых дармаедаў - грамадзян, якія «ўхіляюцца ад фінансавання дзяржвыдаткаў». Пасаджаных на суткі не будуць проста трымаць у камерах - іх прымусяць працаваць.

Для гэтага прыхільнікі жорсткіх прапаноў прапануюць увесці ў Кодэкс аб адміністрацыйных правапарушэннях артыкул 17.15. У першай рэдакцыі тэкст артыкула гучыць так: «ухіленне паўналетняга працаздольнага грамадзяніна, які пастаянна пражывае на тэрыторыі Беларусі больш за 6 месяцаў на працягу года ад фінансавання дзяржаўных расходаў (шляхам выплаты падаткаў, збораў i iншых плацяжоў) цягне санкцыі ў выглядзе адміністрацыйнага арышту».

Для парадку, міліцыянты прапануюць надзяліць адпаведнымі паўнамоцтвамі супрацоўнікаў падатковых органаў правам складання пратаколаў аб адміністрацыйных правапарушэннях паводле гэтага артыкула. Вызначаць, на колькі саджаць кожнага канкрэтнага дармаеда, прапануецца судам. Пасаджаных на суткі не будуць трымаць у камерах - іх прымусяць працаваць.