Нямцоў: Лёс Пуціна знаходзіцца ў руках Саудаўскай Аравіі і ЗША
14- 8.11.2014, 14:26
- 35,414
Палітык распісаў «дрэнны» і «добры» сцэнары развіцця падзей у Расеі пры падзенні кошту на нафту.
На сваёй старонцы ў Фэйсбук Барыс Нямцоў напісаў:
«Лёс Пуціна ва ўладзе гэтай парачкі. Яны хаўруснікі, але што тычыцца здабычы нафты - канкурэнты. Саўдзітам вельмі не падабаецца, што амерыканцы навучыліся здабываць сланцавую нафту і выкідваюць іх з рынку. Яны наважылі кошт на нафту апусціць з тым, каб здабыча са сланцу стала нерэнтабельнай. А яшчэ апусціць Іран і Пуціна за падтрымку Асада», - піша Нямцоў.
«Калі апусцяць да 70$, даляр 100% будзе за 50. Пры 60$ за барэль даляр будзе каштаваць даражэй за 60 рублёў.
Што тады здарыцца з Расеяй? Пачну з добрага.
1. Пры такім курсе бюджэт будзе выкананы.
2. Ёсць стымул для экспарту і росту эканомікі ў сувязі з крушэннем імпарту і зніжэннем канкурэнцыі.
Дрэннае:
1. Рэальныя даходы людзей рэзка ўпадуць.
2. Кошты, асабліва на імпартныя тавары, вырастуць на 50%.
3 Крэдыты стануць непад'ёмнымі. Ужо сапраўды вышэй за 20%.
4. Адток капіталу працягнецца (ужо больш 100 млрд уцякло), давер да рубля рэзка панізіцца.
5. Якасць жыцця ўпадзе. Замест Таёты грамадзяне будуць купляць Лады Каліны, а замест Турцыі паедуць у Сочы або Крым», - канстатуе палітык.
«Гэта плата за ўбогую сыравінную эканоміку і крывавыя антыўкраінскія авантуры. І яшчэ гэта развянчанне міфа аб незалежнасці пуцінскай Расеі і яе суверэнітэце. Замест таго, каб сыходзіць ад сыравіннай залежнасці і развіваць малы і сярэдні бізнэс, яны вывозяць нафту з газам і ваююць з усім светам», - падкрэсліў Нямцоў.