Вельмі есці хочацца

Рассельгаснагляд зняў забароны на ўвоз прадуктаў у Крым з Украіны.

Намеснік кіраўніка ўпраўлення Рассельгаснагляду ў рэспубліцы Крым і Севастопалю Юрый Епанаў заявіў, што перашкод для ўвозу ўкраінскай прадукцыі на тэрыторыю Крыму не існуе.

Ён адзначыў, што ў сувязі з нестабільнасцю паставак праз паромную пераправу праз умовы надвор'я, а таксама каб пазбегнуць недапушчэння дэфіцыту прадуктаў харчавання і павышэння коштаў «урад» паўвыспы звярнуўся ў Рассельгаснагляд з просьбай дазволіць украінскім прадпрыемствам, нават не атэставаным, завозіць сваю прадукцыю ў Крым.

«Сёння на мяжы мы прапускаем усе прадпрыемствы Украіны, сочым за тым, каб не было перафасоўкі. Асноўным пунктам патрабавання ў нас з'яўляецца магчымасць надгляду аўтатранспарту і грузаў, якія яны перавозяць. Таму, калі вязуцца з не атэставаных прадпрыемстваў, то прыходзіцца маніторыць цалкам прадукцыю», - цытуюць Епанава «Навіны Крыма».

Пры гэтым ён дадаў, што на паўвыспу не праходзіць ад 12 да 14% грузаў з Украіны. Чыноўнік растлумачыў, што гэта звязана з тым, што прадпрымальнікі стараюцца завезці ў Крым больш танную прадукцыю, пры гэтым пытанню якасці тавару не надаецца належнай увагі. «Асаблівую ўвагу ўдзяляем надгляду грузаў у пунктах пропуску. Асноўная прычына вяртання - гэта падмена грузу, парушэнне маркіроўкі, правілаў транспарціроўкі, тэрмінаў прыдатнасці», - сказаў Епанаў у эфіры крымскага бюро радыё «Голас Расеі».

На сёння ў сувязі з надыходам зімовага перыяду ў Расеі ўзнікае праблема забеспячэння анэксаванага Крыма прадуктамі, паколькі адзіны шлях праз Керчанскі праліў не будзе функцыянаваць. У партах Расеі і Керчы пастаянна ўзнікаюць велізарныя чэргі з аўтамабіляў.

Раней у Расеі забаранілі пастаўляць у Крым украінскую прадукцыю, але пасля просьбаў уладаў паўвыспы часткова знялі забарону.