Перанесеныя таргі валютамі адбыліся

На Беларускай валютна-фондавай біржы 20 снежня адбыліся перанесеныя з учорашняга дня таргі - першыя пасля ўвядзення 30-адсоткавага збору.

Даляр вырас на Br10 да 10 900 беларускіх рублёў, піша tut.by.

Еўра знізіўся на Br70 да 13 320 рублёў.

Расейскі рубель умацаваў свае пазіцыі, падаражэў на Br3 да 187 беларускіх рублёў.

Нагадаем, учора таргі на беларускай валютна-фондавай біржы былі скасаваныя. Пазней Нацбанк увёў новыя правілы - цяпер кожны жадаючы набыць замежныя грошы павінен выплаціць дадатковыя 30% ад курсу.

Гэтая сума будзе пералічвацца ў дзяржаўны бюджэт.