Гендырэктар «Барысаўдрэва» абскарджвае прысуд
12- 20.12.2014, 14:04
- 14,109
Адвакат Уладзіміра Мальцава заявіў сёння журналістам пра намер абскардзіць прысуд у Вярхоўным судзе.
Аб гэтым паведамляе БелТА з залы суда Менскай вобласці.
«Мы маем намер абскардзіць прысуд. Мы настойваем на апраўданні», - сказаў абаронца.
Уладзімір Мальцаў прыгавораны да трох гадоў калоніі ўзмоцненага рэжыму без канфіскацыі маёмасці. Суд таксама пастанавіў спагнаць з гендырэктара больш Br1,9 млрд стратаў.
Са слоў пракурора, Уладзімір Мальцаў ппраз асабістую зацікаўленасцб пры выбары пастаўшчыка абсталявання лабіяваў інтарэсы турэцкай кампаніі Bersey, з якой 23 сакавіка 2011 беларускае прадпрыемства ўклала кантракт на пастаўку тэрмамасляных катлоў. Калі прадпрыемства, парушыўшы кантракт, пачало зацягваць тэрміны пастаўкі абсталявання, Уладзімір Мальцаў не распачаў крокаў у адказ. «Спрабуючы схаваць сваю некампетэнтнасць, кар'ерызм і парушэнне заканадаўства, ён падпісаў з кампаніяй дамову аб пераносе тэрмінаў пастаўкі», - сказала дзяржабвінаваўца.
Таксама кіраўнік, са слоў пракурора, не распачаў меры ў своечасовай закупцы абсталявання для запалкавай вытворчасці. «Ведаючы, што па дамовах са шведскай фірмай «Арэнко» на пастаўку абсталявання для запалкавай вытворчасці быў прадугледжаны мантаж абсталявання, Мальцаў даў даручэнне генеральнаму падрадчыку будтрэсту №21 на выкананне гэтых работ», - дадала абвінаваўца. Іншымі словамі, прадпрыемству давялося двойчы заплаціць за адны і тыя ж аб'ёмы работ.
Гэтыя і іншыя дзеянні топ-мэнэджара пацягнулі прычыненне прадпрыемству шкоды ў асабліва буйным памеры - больш за Br17 млрд.
Сваю віну Уладзімір Мальцаў не прызнаў.