«Начныя снайперы» аб'едуць абласныя цэнтры Беларусі

На гэты раз канцэрты музыкаў пройдуць не ў сталіцы, а ў Берасці, Гародні, Віцебску, Бабруйску, Магілёве і Гомелі.

Легендарны рок-калектыў у абноўленым складзе прэзентуе публіцы новы альбом «Мальчик на шаре», выпушчаны цяперашнім летам. Ён стаў прынцыпова наватарскім ў творчасці Дыяны Арбенінай, піша «Комсомольская правда в Беларуси».

Упершыню спявачка запісала сольны электрычны альбом. Пласцінка была падтрыманая буйной міжнароднай рэкард-кампаніяй - лэйблам Universal Music Russia, а яе прасоўванне ажыццяўлялася пры дапамозе такіх глабальных онлайн-платформаў як iTunes і Google Play. У першы тыдзень продажаў у iTunes «Мальчик на шаре» патрапіў у ТОP музычных навінак, і пратрымаўся на ягоных верхніх радках чатыры тыдні. Музычныя крытыкі назвалі альбом «самай асабістай працай артысткі» - усе песні адсюль лімітава інтымныя і аўтабіяграфічныя.

- Я ніколі не хаваў больш чым асабістага стаўлення да Дыяны, - прызнаецца генеральны дырэктар у Universal Music Group Дзмітрый Коннаў. - Але выпуск альбома - гэта такая ж рызыка, як бізнес з лепшым сябрам - можна зарабіць мільёны і страціць тое, што нельга ацаніць любымі даходамі. Таму мне было і пахвальна і страшна, калі прагучала прапанова папрацаваць разам. Але, паслухаўшы яшчэ сырой матэрыял, стала зразумела, што трэба рызыкнуць і праверыць, ці хопіць нам, двум дарослым людзям, розуму і такту працаваць разам. Ці зможа нашая каманда зрабіць гэты альбом вядомым максімальнай колькасці людзей. Ці змогуць абодва брэнды адпавядаць і дапамагаць. Мы рызыкнулі. І ў нас атрымалася, таму што Арбеніна сумленная са сваім слухачом - яна шукае сябе, і не можа не апісваць гэты пошук, не можа не рыфмаваць і не пісаць музыку, ператвараючы альбом не ў набор трэкаў, а ў адкрыты, сумленны, цікавы жыццяпіс... А менавіта гэтым вельмі рускім кактэйлем і моцная наша айчынная сцэна - калі рытм і рыфма ідуць услед за словам...

На канцэртах падчас беларускага туру музычны калектыў зноў прадэманструе свой рок-н-рольны бок: жывы, магутны і наэлектрызаваны гук, які і зрабіў «Начных Снайпераў» любімым гуртом цэлага пакалення слухачоў.

Акрамя новых песень з альбома «Мальчик на шаре» музыкі таксама выканаюць свае лепшыя хіты са свежымі аранжыроўкамі. І, вядома ж, гледачоў чакаюць сюрпрызы, без якіх не абыходзіцца ні адзін «снайперскі» канцэрт.