Міхаіл Касьянаў: Рэжыму Пуціна засталося два гады

Былы прэм'ер-міністр Расеі, заявіў, што ўлада Уладзіміра Пуціна пратрымаецца максімум два гады.

У эфіры канала «Дождь» Міхаіл Касьянаў распавёў аб надыходзячым краху банкаўскай сістэмы, а таксама пра ціск апазіцыі і грамадзянскай супольнасці на пуцінскую ўлада праз вуліцы.

«Скажу так, што ўся палітыка апошніх 10 гадоў вяла да таго, што эканамічныя праблемы павінны быць вельмі сур'ёзныя. Таму ўсё, што адбываецца сёння, гэта прадказальна. Усё гэта адбываецца менавіта сёння па той простай прычыне, што ёсць два паскаральнікі, якія прывялі да ўчорашняга, заўчарашняга, тыднёвага, да ўсяго гэтага валютнага крызісу. Гэта, перш за ўсё, падзенне кошту нафты за кароткі прамежак часу», - распавёў ён.

Міхаіл Касьянаў раскрытыкаваў палітыку Уладзіміра Пуціна.

«Пастановы прымае Пуцін. Ён сказаў, што ўвогуле нікуды рухацца не трэба. Ён сказаў: два гады і ўсё само-сабой рассмокчацца. А я кажу - два гады засталося да канца рэжыму, калі не будуць прынятыя правільныя пастановы», - сказаў ён.

Са слоў палітыка, другім паскаральнікам з'яўляюцца сектаральныя санкцыі супраць фінансавых інстытутаў, якія кантралююцца дзяржавай, і нафтавых і газавых кампаній, якія кантралююцца дзяржавай.

«Гэта ў сукупнасці прывяло да сітуацыі валютнага крызісу, з якой не так проста выйсці, паколькі агульная эканамічная сітуацыя складаная. Таму скажу так, што не будзе хуткага выхаду, і наогул выхаду добрага з гэтай сітуацыі не будзе», - сказаў ён.