Хадаркоўскі звярнуўся да расейцаў: Вы, а не Пуцін, - крыніца ўлады (Відэа)

Расейскі апазіцыянер Міхаіл Хадаркоўскі ў гадавіну свайго вызвалення звярнуўся да расейцаў з заклікам змагацца за свабоду.

«Да пачатку 2014 цяперашняя ўлада пачала разумець, што завяла краіну ў тупік. Што нават звышвысокія кошты нафты больш не забяспечваюць эканамічны рост. Што ім не давярае бізнэс. Ім не давяраюць людзі навукі і мастацтва, інтэлектуальная эліта», - заявіў Хадаркоўскі ў звароце, паведамляе УНИАН.

З ягоных слоў, улада знайшла сродак, які ўсё спіша: вайна.

«Мне дагэтуль не верыцца, што я кажу гэта слова ў кантэксце сённяшняга дня, што гэта наша сумная рэальнасць. Узброеныя сутыкненні на тэрыторыі суседняй дзяржавы, жыхароў якога мы яшчэ нядаўна лічылі братамі, - гэта трагедыя. Гэта вельмі дорага абыдзецца нам ва ўсіх сэнсах. Ужо абыходзіцца. Мы нясем каласальныя страты - жыцця, грошы, давер, выбудаваныя сувязі, магчымасці. Усё гэта зліваецца ў адной з'яве, якую мы называем «кошт Крыма». Сёння расейскія грамадзяне плацяць за Крым, за Данбас, галоўнае - за кіраўніцкія памылкі і надмернае казнакрадства, якія рэжым спрабуе прыкрыць вайсковымі дзеяннямі і патрыятычнай рыторыкай», - падкрэсліў ён.