Расея абмяжуе экспарт збожжа

Урад Расеі ўводзіць часовыя адміністрацыйныя абмежаванні на экспарт збожжа.

Пра гэта паведаміў прэм'ер-міністр Дзмітрый Мядзведзеў на нарадзе са сваімі намеснікамі, паведамляе ТАСС.

«Падрыхтуйце прапановы, якім чынам гэта зрабіць. Натуральна, гэта павінна быць карэктна, узгоднена з вядучымі экспарцёрамі, пастанова павінна насіць часовы характар», - сказаў ён віцэ-прэм'еру Аркадзю Дварковічу.

Дварковіч, у сваю чаргу, адзначыў, што ўрад бліжэйшым часам увядзе мыты на экспарт збожжа. Ён растлумачыў, што пры ўраджаі ў 104 мільёны тон, экспартны патэнцыял, які дазваляе захоўваць усе неабходныя элементы падтрымкі рынку, складае 28 мільёнаў тон. Пры гэтым, да сапраўднага моманту з краіны ўжо вывезены 21 мільён тон. Увесь транспарт, які вывозіць на экспарт збожжа з «перазагрузкай», будзе спыняцца, заявіў Дварковіч.

Агенцтва паведамляе, што да 20 снежня РЧ прыпыніла пагрузку збожжавозаў на экспарт, патлумачыўшы гэта незабеспячэннем выгрузкі і прыёму вагонаў са збожжам грузаатрымальнікаў. Паводле звестак Нацыянальнай асацыяцыі экспарцёраў сельскагаспадарчай прадукцыі, Рассельгаснагляд перастаў афармляць экспартныя сертыфікаты на ўсе кірункі, акрамя Егіпта, Турцыі, Індыі і Арменіі. Першыя дзве краіны з'яўляюцца найбуйнейшымі пакупнікамі расейскага збожжа.