Аб'ём гандлю ў Мытным саюзе скараціўся на 10,5%

Беларусь будзе старшынстваваць у Еўразійскім эканамічным саюзе ў 2015 годзе.

Пра гэта паведаміў прэзідэнт Расеі Уладзімір Пуцін паводле вынікаў праведзенага сёння ў Маскве пасяджэння Вышэйшага Еўразійскага эканамічнага савета, паведамляе БелТА.

ЕАЭС пачне функцыянаваць з 1 студзеня 2015 года. Такім чынам, Беларусь стане першай краінай, якая старшынствуе ў ЕАЭС.

Адносіны ўнутры Мытнага саюза і АЭП праходзяць праз найсур'ёзныя выпрабаванні. Гэта канстатаваў сёння Аляксандр Лукашэнка на прэс-канферэнцыі паводле вынікаў пасяджэння Вышэйшага Еўразійскага эканамічнага савета на ўзроўні кіраўнікоў дзяржаў.

"Ёсць пытанні, адназначных адказаў на якія, на жаль, пакуль няма. А час іх ужо настойліва патрабуе", - адзначыў дыктатар.

У студзені-верасні 2014 аб'ём узаемнага гандлю дзяржаў - чальцоў Мытнага саюза і АЭП склаўся на ўзроўні $42,8 млрд, што складае толькі 89,5% да аналагічнага перыяду мінулага года. "Прамаруджванне з прыняццем на дадзеным этапе жыццёва важных рашэнняў можа абярнуцца не толькі стратай дынамікі аб'яднальных працэсаў, але і адкатам назад, чаго народы нашых дзяржаў сучасным палітыкам не даруюць, асабліва ўлічваючы нашую практыку працы ў СНД. Другога СНД народы не церпяць", - сказаў беларускі кіраўнік.