Расея перакінула ў Луганск новых жаўнераў і танкі
5- 25.12.2014, 9:06
- 12,357
У Луганску бандфармаванне "Зара", якое падпарадкоўваецца асабіста кіраўніку "ЛНР" Ігару Платніцкаму, атрымала папаўненне з РФ - як жывой сілай, так і тэхнікай.
Пра гэта на сваёй старонцы ў Facebook напісаў Дзмітрый Тымчук са спасылкай на аператыўныя звесткі групы "Інфармацыйны супраціў".
З ягоных слоў, адзначана прыбыццё 6-ці танкаў, а таксама зафіксавана раскватараванне ў горадзе некалькіх падраздзяленняў расейскіх транспартных частак (у паўночнай і ўсходняй частках Луганска).
"Падраздзяленні маюць у сваім складзе транспартныя сродкі для перавозкі цяжкай тэхнікі", - паведаміў Тымчук.
Таксама ён адзначыў, што ў раёне н.п. Зугрэс пад кіраўніцтвам расейскіх афіцэраў прайшлі "артылерыйскія вучэнні з баявой стралянінай" падраздзяленняў расейска-тэрарыстычных войскаў.
"Удзел у гэтых "вучэннях" бралі падраздзяленні, якія дзейнічаюць у раёне Старагнатаўскага плацдарма", - дадаў Тымчук.