Санкцыі супраць РФ пагражаюць банкруцтвам яе «калоніям»

Лідэр сепаратыстаў Прыднястроўя прызнаў, што шэраг прадпрыемстваў рэгіёну на мяжы спынення, многія страцілі рынак на 50%.

Эканамічныя санкцыі Еўразвязу і ЗША супраць Расеі негатыўна адбіліся на эканамічнай дзейнасці прадпрыемстваў Прыднястроўя: некаторыя з іх знаходзяцца на мяжы спынення вытворчасці. Пра гэта паведаміў лідэр сепаратыстаў Прыднястроўя Яўген Шаўчук, паведамляе Liga.net.

"Ёсць аб'ектыўныя эканамічныя цяжкасці, якія прыўнесены сусветнай эканамічнай нестабільнасцю і палітыкай санкцый. Эканамічныя агенты, якія экспартуюць або экспартавалі прадукцыю ў Расею, панеслі адпаведныя страты ў шэрагу ўгод. Шэраг прамысловых прадпрыемстваў ужо скарацілі аб'ёмы вытворчасці, некаторыя - на мяжы спынення, іншыя - страцілі рынак да 50%", - адзначыў Шаўчук.

Ён адзначыў пры гэтым, што таксама адчуваецца нестабільнасць валют, зніжэнне попыту на рынках тавараў і паслуг, прыкметна падае дзелавая актыўнасць, аднак больш, з ягоных слоў, гэтыя наступствы праявяцца бліжэйшымі 3-4 месяцамі.

Прыднястроўе спрабуе аддзяліцца ад Малдовы пасля ўзброенага канфлікту ў пачатку 90-х праз боязь прарасейсканастроенага насельніцтва адносна магчымага далучэння да Румыніі. На тэрыторыі рэгіёну дагэтуль знаходзіцца расейкі вайсковы кантынгент, нягледзячы на тое, што РФ яшчэ ў 1999 годзе абяцала вывесці свае войскі з ягонай тэрыторыі. На тэрыторыі непрызнанай ПМР раскватараваны часткі 14-й расейскага войска. Тут жа знаходзяцца склады з вялікай колькасцю боепрыпасы (звыш 21 тысячы тон снарадаў і авіябомбаў).

4 жніўня 2014 г. Масква абвінаваціла Малдову і Украіну ў спробе заблакаваць доступ Расеі да яе вайскоўцаў у Прыднястроўе.

Раней лідэр сепаратыстаў Прыднястроўя заявіў аб прызнанні вынікаў псеўдарэферэндума аб далучэнні Крыма да Расеі, а таксама абвінаваціў ЕЗ і Украіну ў эканамічным падаўленні непрызнанай "рэспублікі".