Арыштаваная ў РФ лётчыца Саўчанка стала дэпутатам ПАСЕ

Народную дэпутатку Надзею Саўчанку ўключылі ў склад пастаяннай дэлегацыі Вярхоўнай Рады ў Парламенцкай асамблеі Рады Еўропы.

Вярхоўная Рада Украіны звярнулася да міжнародных арганізацый і Міжпарламенцкай асамблеі адносна вызвалення ўкраінскага афіцэра і народнага дэпутата VIII склікання Надзеі Саўчанкі. Пра гэта паведамляе прэс-служба парламента.

Адпаведны праект пастановы №1584 падтрымалі 321 народны дэпутат.

Згодна з дакументам, Саўчанка ўключаецца ў склад пастаяннай дэлегацыі Вярхоўнай Рады ў Парламенцкай асамблеі Рады Еўропы.

Старшыні Вярхоўнай Рады Уладзіміру Гройсману даручана накіраваць тэкст звароту ў Еўрапейскі парламент, Парламенцкую асамблею Рады Еўропы, Парламенцкую асамблею АБСЕ, ААН, Міжнародны Камітэт Чырвонага Крыжа.