Расейская мытня блакуе кнігу пра Еўрамайдан
2- 25.12.2014, 14:47
- 5,693
Расейская мытная служба ўжо 11 дзён не прапускае ў краіну фотакнігі Дональда Вэбэра і Артура Бондара аб Еўрамайдане - The Barricade.
Пра гэта на сваёй старонцы ў Facebook напісаў Артур Бондар, паведамляе Украінская праўда.
"Расейская мытня не пускае на тэрыторыю Расеі кнігу "Барыкада" пра падзеі Еўрамайдана ва Украіне, выдадзеную фатографамі Дональдам Вэбэрам і Артурам Бондарам. 10 аўтарскіх паасобнікаў гэтай кнігі, дастаўленыя UPS экспрэс дастаўкай за 1 дзень з Англіі ў Расею, ужо 11 дзён інспектуюцца расейскай мытняй", - напісаў фатограф.
"Спачатку падазравалі, што гэта камерцыйны тавар, а сёння мне кажуць, што прычына - гэта змест кнігі і яе назва!!! ЦЭНЗУРА???" - напісаў ён.
The Barricade - супольная кніга ўкраінца Бондара і канадца Вэбэра.
Вэбэр - пераможца World Press Photo-2012. У кнігу The Barricade ўвайшлі ў тым ліку ягоныя творы з сэрый "Кактэйлі Молатава", "Рэчы з Межыгор'я" і "Кіеўскія партрэты".