«Барселона» падоўжыла кантракт з Нэймарам да 2020 года
- 26.12.2014, 15:23
- 3,430
Бразільскі нападнік Нэймар падоўжыў свой кантракт з каталонскай «Барселонай».
Пра гэта газеце Sport паведаміў агент футбаліста Вагнер Рыбейра, піша «Спорт-экспрэс».
Агент распавёў, што «Барселона» сама прапанавала бразільцу падпісаць новае пагадненне. Згодна з ім Нэймар будзе выступаць за каталонцаў да 2020 года.
Нагадаем, што бразілец перабраўся ў Барселону летам 2013 года, падпісаўшы пяцігадовы кантракт. З таго часу Нэймар правёў за Барселону 59 матчаў, у якіх запісаў на свой рахунак 29 галоў і 19 дзейсных перадач.
Фота: AP