Падчас бойкі ў Мінску забіты 18-гадовы хлопец

Інцыдэнт адбыўся на бульвары Трактарабудаўнікоў 24 снежня.

Абставіны канфлікту высвятляе Партызанскі РАСК Менска. Пра гэта паведамляе афіцыйны сайт Следчага камітэта Беларусі.

Следча-аператыўная група на месцы здарэння 24 снежня ўсталявала, што каля 22.00 паблізу дома 5 па бульвары Трактарабудаўнікоў адбыўся канфлікт паміж групай моладзі і двума мужчынамі 1972 і 1964 гадоў нараджэння. Падчас сваркі хлопцу 1996 нараджэння прычынена пранікальнае нажавое раненне. Хлопец сканаў да прыбыцця брыгады хуткай медыцынскай дапамогі, рэанімацыйныя мерапрыемствы вынікаў не далі.

Паводле факта забойства хлопца распачатая крымінальная справа. Адзін з мужчын затрыманы ў якасці падазраванага. Высвятляюцца абставіны таго, што адбылося.

Следчыя звяртаюцца з просьбай да грамадзян, якія з'яўляюцца відавочцамі падзей або валодаюць іншай значнай паводле справы інфармацыяй, звярнуцца ў Партызанскі раённы аддзел Следчага камітэта Менска.