Аланду на Каляды падарылі шчаня лабрадора

Прэзідэнт Францыі Франсуа Аланд на Каляды атрымаў у падарунак з Канады шчаня лабрадора.

Падарунак прэзідэнту Францыі прынеслі чальцы федэрацыі французскіх ветэранаў з канадскага горада Манрэаля. Спачатку яны звярнуліся ў Елісейскі палац з пытаннем аб тым, хацеў бы Франсуа Аланд стаць гаспадаром лабрадора. Атрымаўшы сцвярджальны адказ, прадстаўнікі федэрацыі прывезлі шчанюка чорнага колеру з Канады ў Францыю, піша "Інтэрфакс".

У паведамленнях адзначаецца, што новы жыхар Елісейскага палаца выклікаў захапленне ў персаналу. Відавочцы называюць Філу "вельмі вясёлай". Яна пасялілася на першым паверсе рэзідэнцыі прэзідэнта Францыі і ўжо пабывала на прагулцы ў садзе.

Да гэтага часу Аланда не лічылі сабачнікам: гэтыя жывёлы ў яго былі толькі ў дзяцінстве.

Філа - далёка не першы лабрадор, які пасяліўся ў Елісейскім палацы. Сабакі гэтай пароды былі і ў іншых прэзідэнтаў Францыі - Валеры Жыскар д'Эстэна, Франсуа Мітэрана, Жака Шырака і Нікаля Сарказі.

Фота: AFP/Christelle Alix