«Ведомости»: Расея рыхтуецца да анексіі Паўднёвай Асеціі
5- 26.12.2014, 18:57
- 9,924
Новы дагавор аб саюзнiцтве Расеі і непрызнанай Паўднёвай Асеціі прывядзе да глыбокай інтэграцыі аж да зліцця некаторых дзяржаўных інстытутаў.
Гэта вынікае з праекта дакумента, які маецца ў распараджэнні «Ведомостей».
Згодна з праектам дагавора, войска і сілавікі непрызнанага ўтварэння ўвойдуць у адпаведныя структуры РФ (напрыклад, КДБ стане часткай ФСБ, а органы ўнутраных спраў, следства, кантролю за абаротам наркотыкаў, судовыя прыставы і крымінальна-выканаўчай сістэмы павінныя стаць часткай адпаведных расейскіх ведамстваў).
Пункты пропуску і мытнага кантролю на мяжы плануецца скасаваць, праезд людзей і тавараў будзе свабодным, органы мытні ўліваюцца ў расейскія, але зборы застаюцца ў бюджэце рэспублікі. Зарплата дзяржслужачых, пенсіі і дапамогі павінныя быць павышаныя да ўзроўню Паўночна-Каўказскай федэральнай акругі.
22 снежня памочнік прэзідэнта Расеі Уладзіслаў Суркоў заявіў у Цхінвалі, што дамова павінная быць падпісаная ў канцы студзеня будучага года.
Пры гэтым выданне адзначае, што ў адрозненне ад ужо падпісанай аналагічнай дамовы з Абхазіяй, нічога падобнага на нейкую апазіцыю да новай дамовы ў перамовах з паўднёваасецінскім бокам не прысутнічала, кажа крыніца, які ўдзельнічаў у падрыхтоўцы дакумента.
«Нават у мэтах унутрыпалітычнай барацьбы ніхто б не адважыўся голасна крытыкаваць дагавор, які дазволіць істотна павысіць дабрабыт грамадзян», - дадаў крыніца. Гэта выклікана тым, што здольнасць рэспублікі да самастойнага развіцця ніжэй, чым у Абхазіі, а інвестклімат проста адсутнічае. «Там аб'ектыўна адсутнічаюць любыя цэнтрабежныя настроі ў дачыненні да Расеі», - рэзюмаваў ён.
Таксама кіраўнік адміністрацыі «прэзідэнта» Паўднёвай Асеціі Барыс Чачыеў сказаў, што такі варыянт дакумента існуе, але ён можа быць прыкметна адрэдагаваны 27 снежня, калі прапановы створанай у рэспубліцы рабочай групы абмяркуе палітрада пры «прэзідэнце».