Медыкі і педагогі зноў перакрылі Цвярскую вуліцу ў Маскве
1- 26.12.2014, 19:14
- 8,632
У Маскве лекары і педагогі, якія выступаюць супраць пазбаўлення сацыяльнага жылля, выйшлі на Цвярскую вуліцу.
Пратэстоўцы патрабуюць сустрэчы з мэрам Сяргеем Сабяніным. Удзельнікі акцыі паведамляюць аб пацярпелых у сваіх шэрагах і затрыманнях, паведамляе РБК.
Маскоўскія лекары і педагогі ў знак пратэсту супраць пазбаўлення сацыяльнага жылля зноў перакрылі Цвярскую вуліцу ў цэнтры сталіцы, паведаміла ў сваім твітэры вядучая радыёстанцыі «Эхо Москвы» Аксана Чыж.
Паводле яе слоў, пратэстоўцы патрабуюць сустрэчы са сталічным кіраўніком горада Сяргеем Сабяніным.
Блогер Філіп Кірэеў распавёў у сваім твітэры, што актывісты скандуюць "Спыніць беззаконне над медыкамі» і «Аддайце дакументы на сацыяльнае жыллё». Паводле ягоных слоў, мінакі, даведаўшыся, што пратэстуюць медыкі, далучаюцца да іх і дапамагаюць расцягваць банеры.
Адна з удзельніц мітынгу распавяла радыёстанцыі «Говорит Москва» пра 11 затрыманых. Сярод іх і суразмоўніца радыё. «Нас забраў АМАП з Цвярской. У Цвярское УУС вязуць. 11 чалавек загрузілі. З намі яшчэ чалавек, які выклікаў хуткую, таму што аднаму з нашых, падобна, зламалі пальцы», - распавяла яна.
Усіх затрыманых 11 чалавек прывезлі ў АУС «Цвярское», распавяла адна з удзельніц акцыі, настаўніца Дар'я Кірылава. Паводле яе слоў, сярод затрыманых - медыкі і лекары, а таксама адзін мінак, які выклікаў аўтамабіль хуткай дапамогі.
МУС інфармацыю аб тым, што адбылося, не каментуе.
У мінулым месяцы маскоўскія лекары неаднаразова праводзілі масавыя мітынгі супраць рэформы аховы здароўя. Хвалю пратэстаў выклікала рэформа аховы здароўя, якую з канца мінулага года праводзяць улады Масквы. Паводле працоўнага варыянту плана-графіка закрыцця сталічных клінік і радзільняў супрацоўнікі 28 медустаноў, у тым ліку 15 лякарняў, будуць звольненыя, а памяшканні вызваленыя.