Фотафакт: Абмен палоннымі ў Данбасе
2- 26.12.2014, 20:47
- 17,600
СБУ пацвердзіла абмен палоннымі на ўсходзе Украіны.
У Данецкай вобласці праходзіць абмен палоннымі паміж сілавікамі і баевікамі паводле формулы "222 на 150". Пра гэта ў эфіры тэлеканала "112 Украина" паведаміў дарадца кіраўніка СБУ Маркіян Лубкіўскі.
"Нават не гледзячы на паведамленне расейскага "Інтерфакса", давайце казаць прафесійна і адказна. Мы знаходзімся ў верхнім пункце гэтай складанай аперацыі, якая прадаўжаецца, і вельмі верым, і робім усё для таго, каб на працягу бліжэйшага часу змаглі праінфармаваць грамадскасць, а перш за ўсё сваякоў аб тым, што гэтая аперацыя завяршылася і нашыя вайскоўцы знаходзяцца ў бяспечнай зоне і гэтая, у сутнасці, вельмі складаная і зацяжная аперацыя завяршылася", - паведаміў ён.
Пры гэтым "Інтерфакс" піша, што абмен ужо адбыўся. Афіцыйнага пацверджання інфармацыі няма.
Раней расейскія СМІ паведамілі, што абмен адбудзецца на Ясінавацкім блокпасце.
Нагадаем, што прадстаўнік Украіны ў кантактнай групе ўрэгулявання сітуацыі ў Данбасе, другі прэзідэнт Украіны Леанід Кучма паведаміў, што ў рамках перамоў кантактнай групы зацверджаныя спісы прозвішчаў палонных, якія падлягаюць абмену паміж Украінай і баевікамі. Дамоўленасць аб абмене палоннымі ў фармаце "150 на 225" была дасягнутая падчас перамоў у Менску. Абмен, паводле звестак бакоў, павінны прайсці да Новага года.