Прафесар Марыярці стварыў навагоднюю елку з 42 атамаў
1- 27.12.2014, 16:20
- 6,011
Прафесар са злавесным прозвішчам Марыярці працуе ў Нотынгемскім універсітэце Вялікабрытаніі.
Як і многія брытанскія навукоўцы, ён любіць рабіць рэчы, якія з боку могуць здацца як мінімум дзіўнымі. Вось і напярэдадні Калядаў ён вырашыў пасваволіць і зрабіў сапраўднае каляднае дрэва з 42 атамаў. Балазе сучасныя нанатэхналогіі такія рэчы дазваляюць, піша gazeta.ru.
На самай справе каляднае дрэва можна было б зрабіць і менш - але, быўшы адданым прыхільнікам легендарнай серыі Дугласа Адамса «Аўтастопам па галактыцы», ён не мог не абраць лік 42. Справа ў тым, што, згодна з кнігай, «сорак два» - гэта «адказ на галоўнае пытанне жыцця, Сусвету і ўсяго такога».
А на YouTube можна ва ўсёй красе ўбачыць вар'яцкага на першы погляд Філіпа Марыярці і ягоную малюсенькую атамную нанаелку.