Журналісты «Эха Москвы» прынялі статут паводзін у сацсетках

Правілы ўтрымліваюць тры забароны.

Журналісты "Эха Москвы" прынялі статут паводзін журналіста ў сацсетках. Пра гэта паведаміў у сваім Twitter галоўрэд радыёстанцыі Аляксей Венядзіктаў, апублікаваўшы вынікі галасавання ў кожным з 11 пунктаў статута.

Правілы, падрыхтаваныя групай журналістаў на чале з памочніцай галоўнага рэдактара "Эха Москвы" Лесяй Рабцавай, утрымліваюць тры забароны. У прыватнасці, забараняецца хаваць сваё месца працы і крытыкаваць сваіх працадаўцаў, акцыянераў і гасцей рэдакцыі (аднак гэта не тычыцца крытыкі публічных меркаванняў), піша NEWSru.com.

Акрамя таго, журналіст павінны ўстрымлівацца ад "агітацыі і палітычнага актывізму на карысць любой палітычнай партыі ці палітыка ў перыяд перадвыбарчай кампаніі".

"Эхо Москвы" вітае ўдзел журналістаў у сацсетках. Супрацоўнікам рэкамендуецца падпісвацца на спікераў, а таксама сачыць за бяспекай уласных старонак і папярэджваць аб узломах.

Журналіст павінны памятаць, што меркаванне супрацоўніка, выказанае ў сацсетцы, можа быць вытлумачанае як пазіцыя рэдакцыі, прычым "меркаваннем" можа быць не толькі слова, але і лайк, і рэтвіт, і рэпост.

Таксама сярод 11 пунктаў ёсць заўвага аб абразах - менавіта абразлівым палічылі твіт Аляксандра Плюшчава. Гісторыя з ягоным зняццем з эфіру дала штуршок да распрацоўкі правілаў паводзін у сацсетках. Паводле зацверджанага статуту журналіст "памятае пра дарэчнасць прабачэння за памылковую інфармацыю або абразлівае выказванне".

Вырашэннем канфліктных сітуацый будзе займацца спецыяльная камісія з трох чалавек.