Мітынг у Маскве: расейцы патрабуюць рэструктурызацыі крэдытаў

Уладальнікі валютнай гіпатэкі правялі мітынг у Маскве, патрабуючы рэструктурызацыі крэдытаў паводле «справядлівага курсу».

Акцыя сабрала блізу 2 тысяч чалавек, паведамляе РБК.

Мітынг прайшоў пад Крымскім мостам, каля Парку Горкага. У акцыі, якая пачалася пад 13:00, узялі ўдзел актывісты Усерасейскага таварыства валютных пазычальнікаў, а таксама прадстаўнікі палітычных партый і грамадскіх аб'яднанняў.

Шмат хто з удзельнікаў акцыі прыйшоў на мітынг з плакатамі з такімі лозунгамі, як «Гіпатэка ў валюце заганяе людзей у рабства», «Патрабуем дзяржаўную падтрымку пазычальнікам валютнай гіпатэкі» і г.д.

Са слоў прадстаўніка Усерасейскай грамадскай арганізацыі пазычальнікаў Ланы Горы, асноўным патрабаваннем мітынгоўцаў з'яўляецца забарона гіпатэчнага крэдытавання ў валюце. Яна падкрэслівае, што такой практыкі не існуе больш нідзе ў свеце.

Удзельнікі мітынгу таксама патрабуюць стварыць працоўную групу з удзелам пазычальнікаў, якая павінна будзе распрацаваць прымальны варыянт для рэструктурызацыі крэдыту.

Пазычальнікі, якія выступалі са сцэны, падкрэслівалі, што не адмаўляюцца ад сваёй завінавачанасці, аднак намагаюць, каб выплаты былі «справядлівыя» і «не кабальныя». Шмат якія ўдзельнікі акцыі прыехалі з іншых рэгіёнаў, у прыватнасці з Санкт-Пецярбурга і Самары. Са слоў мітынгоўцаў, цяпер лік актыўных удзельнікаў Усерасейскага таварыства валютных пазычальнікаў складае блізу 5 тысяч чалавек - збольшага гэта тыя, хто ўзяў гіпатэчны крэдыт у валюце ў 2006-2010 гадах.

Актывісты распавялі, што сустракаліся з прадстаўнікамі банкаў «Дэльта-крэдыт» і ВТБ24, аднак прапанаваныя банкамі варыянты рэструктурызацыі, са слоў уладальнікаў гіпатэкі, прычыняцца да таго, што рэшта пазыковай запазычанасці вырасце ў некалькі разоў. Удзельнікі мітынгу таксама распавялі, што з мінулага тыдня яны ў масавым парадку інфармуюць банкі аб тым, што не ў змозе працягваць выплаты за валютную гіпатэку.

26 снежня Усерасейскі рух валютных пазычальнікаў звяртаўся да прэзідэнта Расеі Уладзіміра Пуціна з просьбай прыняць пастанову аб рэфінансаванні валютных гіпатэчных крэдытаў у рублі. 12 снежня правялі акцыю ля будынка Цэнтрабанка на вуліцы Нягліннай з патрабаваннямі канвэртаваць валютныя крэдыты справядлівым курсам.

Сумарна колькасць грамадзян, якія ў розныя гады бралі гіпатэку ў валюце, паводле розных ацэнак складае 100-150 тысяч чалавек.

Фота: РБК