Аншлаг на курсах «Мова нанова» ў Берасці
2- 28.12.2014, 17:43
- 6,088
У Берасці прайшлі астатнія сёлета заняткі бясплатных курсаў беларускай мовы.
Яны былі прысвечаны тэме Каляд і сабралі параўнальна вялікую колькасць людзей, перадае Радыё Рацыя».
Як прызналася адна з вядоўцаў курсаў «Мова нанова» ў Берасці Вольга Малафейчава, арганізатары не чакалі такой актыўнасці на святы.
- Найбольшая колькасць людзей за ўвесь сэзон - больш за 80 чалавек сёння прыйшло, людзі рознага веку: і дарослыя, і школьнікі, і маладыя сем'і з дзецьмі. Мы самі так задаволеныя, што было столькі людзей, нават і не ведалі, што з імі рабіць, - распавяла яна.
На калядных занятках «Мова нанова» ў Берасці студэнты мелі магчымасць праверыць свае веды ў беларускай мове, пагуляць у гульні і атрымаць святочны падарунак. Цымусам праграмы было калядаванне, арганізаванае пры падтрымцы культурнага цэнтра «Грунтоўня».
Наступныя заняткі бясплатных курсаў «Мова нанова» ў Берасці плануюцца 17 студзеня.