Войска Лібіі нанесла ўдары па ісламістах
- 28.12.2014, 19:40
- 4,714
Прыхільнікі ўрада ўпершыню нанеслі авіяўдары па горадзе Місурата, дзе базуюцца паўстанцы-ісламісты.
Удары былі нанесеныя па аэрапорце і сталеліцейным заводзе. Паведамленняў аб ахвярах пакуль не паступала, перадае BBC.
Гэта стала адказам на ракетныя ўдары, ажыццёўленыя на гэтым тыдні ісламісцкімі ваеўнікамі з альянсу "Світанак Лібіі" па асноўных нафтавых тэрміналах краіны, у выніку чаго некалькі цыстэрнаў з нафтай загарэліся.
"Світанак Лібіі" захапіў сталіцу краіны Трыпалі некалькі месяцаў таму і стварыў там свой урад.
Узброены канфлікт у Лібіі працягваецца ўжо больш за тры гады - з моманту зрынання ранейшага лідэра краіны Муамара Кадафі.