У Гомелі школьнікі наважылі кінуць петарду ў газавы калодзеж

У Гомелі гульні школьнікаў з петардамі скончылася шпіталізацыяй аднаго з іх з цяжкімі траўмамі.

27 снежня а 17.00 у абласную клінічную бальніцу Гомеля паступіў хлопчык 2003 года нараджэння з чэрапна-мазгавой траўмай і апёкам твару 1-2-й ступені (3% цела), паведамілі charter97.org у прэс-службе МНС.

Было ўстаноўлена, што са сваім сябрам ён купіў у кіёску петарды і пайшоў іх падрываць ў двары школы.

На тэрыторыі школы размешчаная газаразмеркавальная падстанцыя з металічнай агароджай. Каля падстанцыі - тэхналагічны калодзеж, у ім - запорная газавая арматура. На выпадак магчымых уцечак у металічным люку прасвідраваныя адтуліны для вентыляцыі.

Падышоўшы да тэхналагічнага калодзежа, хлопчыкі кінулі ў адтуліну металічнага люка петарду. Пры выбуху газу вечка люка адкінула на 1,5 м і адзін з хлопчыкаў атрымаў траўмы.