Суддзю Вярхоўнага суда застрэлілі на паляванні

Следчы камітэт разбіраецца ў абставінах гібелі суддзі Вярхоўнага Суда Віктара Ракіцкага.

У мінулую суботу разам з некалькімі жыхарамі Менскай вобласці суддзя знаходзіўся на паляванні, падчас якога атрымаў агнястрэльнае раненне ад якога памёр на месцы, паведамілі charter97.org у прэс-службе СК.

Распачатая крымінальная справа паводле ч. 1 арт. 144 (прычыненне смерці праз неасцярожнасць) Крымінальнага кодэкса Рэспублікі Беларусь.

Падчас расследавання праведзены шэраг следчых дзеянняў, у тым ліку агляд месца здарэння, канфіскавалі дакумэнты на права палявання, якія адпавядаюць устаноўленым правілам. Прызначаны шэраг экспертных даследаванняў.

Папярэдняе расследаванне ажыццяўляе галоўнае следчае ўпраўленне цэнтральнага апарата Следчага камітэта Рэспублікі Беларусь.