Археолагі знайшлі адразу 37 караблёў Візантыйскай імперыі

Гістарычная знаходка была зробленая каля Стамбула.

Аб гэтым піша часопіс Live Science, які апублікаваў артыкул турэцкага вучонага Кемаля Пулака, піша gazeta.ru.

Ён распавядае аб археалагічнай знаходцы ў мястэчку Енікапі, каля Стамбула. Падчас раскопак, пачатых яшчэ ў 2004 годзе, даследчыкам удалося выявіць рэшткі 37 караблёў часоў Візантыйскай імперыі.

Кемаль Пулак распавядае, што раней візантыйскія караблі былі вядомыя вучоным толькі дзякуючы апісанням, якія захаваліся ў гістарычных крыніцах. Рэшткі 37 драўляных судоў, са слоў спецыялістаў, захаваліся вельмі добра, і змогуць многае расказаць пра тое, як візантыйцы будавалі караблі.

Судны датуюцца V-XI стагоддзямі. Артыкул у Live Science апісвае 8 караблёў, чый узрост складае ад 1300 да 1000 гадоў. Шэсць караблёў перамяшчаліся выключна дзякуючы ветразям, іх даўжыня складае ад 8 да 14,7 метраў, два судны былі галерамі, і іх памер не перавышаў 2,5-5 метраў. Археолагі адзначаюць, што караблі будаваліся двума спосабамі: першы заключаецца ў тым, што спачатку будуецца абшыўка судна, якая затым умацоўваецца каркасам, а ў другім выпадку, наадварот, майстраваўся драўляны «шкілет» судна, які затым абшываўся дошкамі корпуса.